ميدان وردگ؛ خورشيد لوبډلې د جلرېز ولسوالۍ د فوټسال سياليو اتلولي وگټله
د ميدان وردگ ولايت د بدني روزنې او ورزش امريت اړوند د فوټبال فدراسيون د استازولۍ او د فوټسال کمېټې له لوري په جلرېز ولسوالۍ کې د ۱۲ لوبډلو ترمنځ د فوټسال سيالۍ د خورشيد لوبډلې په اتلولۍ پای ته ورسېدې.
په دغو سياليو کې د خورشيد جلرېز ، استقلال جلرېز، تكانه ستورو، سيلاب، پيكان، ذيولات، متحد، شېرخان، اتحاد، خوجگاني، خراسان او آرياى جلرېز لوبډلو گډون کړی وو.
د يادو سياليو پايلوبه د خورشید او استقلال لوبډلو ترمنځ ترسره شوه، چې په پايله کې خورشيد لوبډلې خپلې سيالې لوبډلې ته ۲/۴ گولونو توپير ماتې ورکړه او اتلولي يې خپله کړه.
د يادونې وړ ده، چې دغو سياليو شاوخوا اته اوونۍ دوام وکړ.
