ننگرهار؛ نازيان سټارز لوبډلې د نازيان ولسوالۍ د ټېپ بال کرکټ سياليو اتلولي وگټله
د ننگرهار ولايت د بدني روزنې او سپورټ رياست اړوند د شينوارو شپږگونو ولسواليو سپورټي مدیریت له لوري د نازيان ولسوالۍ په شارجه ورزشي لوبغالي کې د ۳۶ لوبډلو ترمنځ د ټېپ بال کرکټ سيالۍ د نازيان سټارز لوبډلې په اتلولۍ پای ته ورسېدې.
د يادو سياليو پايلوبه د نازيان ځوانانو او نازيان سټارز لوبډلو ترمنځ ترسره شوه، چې په پايله کې نازيان سټارز لوبډلې په ټاکلو لسو اورونو کې د شپږو لوبغاړو په سوځېدو سره خپلې سيالې لوبډلې ته د ۱۴۵ منډو هدف کېښود، نازيان ځوانانو لوبډلې ياد هدف تر لاسه نه کړ او د ۲۰ منډو په توپير يې ماته ومنله.
د يادونې وړ ده، چې دغو سياليو شاوخوا يوه مياشت دوام وکړ.
