کابل؛ د قوت الرمي ملي فدراسيون د څلورمې دورې روزنکو او د شپږمې دورې د لوبڅارۍ سمينار پای ته ورسېد
د قوت الرمي ملي فدراسيون او د هېواد د بدني روزنې او سپورټ عمومي رياست په همکارۍ د څلورمې دورې روزنکو او د شپږمې دورې لوبڅارۍ سمينار چې له ۱۳ ولايتونو څخه د ۳۶ لوبڅارانو او روزنکو په گډون څلور ورځې مخکې پيل شوی و پای ته ورسېد.
د سمينار د پای په مراسمو کې د هېواد د المپيک ملي کمېټې او سپورټ عمومي ریاست لوی رييس مولوي احمد الله وثيق، د بدني روزنې او سپورټ عمومي رياست فني او مسلکي مرستيال حافط احمد جان ځدران، د المپیک ملي کمېټې اجراييه رييس داد محمد پاينده اختري، د قوت الرمي ملي فدراسيون د رهبري پلاوو او د ولاياتو استازو گډون کړی وو.
د دغو سمينارونو د ترسره کېدو موخه د هېواد د روزنکو او لوبڅارانو د ظرفيت لوړول ياد شوي دي.
