وست؛ غرغښت اليون لوبډلې د غرغښت غوره ليگ سياليو اتلولي وگټله
د خوست ولايت د بدني روزنې او سپورټ آمريت اړوند د ټېپ بال کرکټ فدراسيون د استازولۍ له لوري د ياد ولايت په مرکز کې د ۲۰ لوبډلو ترمنځ د خوست ولايت په کچه د غرغښت غوره ليگ (GPL) ټېپ بال کرکټ سيالۍ د لومړي ځل لپاره د غرغښت اليون لوبډلې په اتلولۍ پای ته ورسېدې.
د يادو سياليو پايلوبه د غرغښت اليون او متون فيضان لوبډلو ترمنځ ترسره شوه، چې په پايله کې غرغښت اليون لوبډلې په ټاکلو لسو اورونو کې د پنځو لوبغاړو په سوځېدو سره خپلې سيالې لوبډلې ته د ۱۲۲ منډو هدف کېښود، متون فيضان لوبډلې ياد هدف تر لاسه نه کړ او د ۲۶ منډو په توپير يې ماته ومنله.
د دغو سياليو موخه د ځوانانو ترمنځ يووالی رامنځته کول و، چې شاوخوا يوه مياشت يې دوام وکړ او په پای کې اتلې لوبډلې ته يو غوايی او دويم مقام گټونکې لوبډلې ته يو پسه ورکړل شو.
