تخار؛ ینګي قلعه ولسوالۍ کې د فوټسال ژمنۍ سیالۍ د طوفاني لوبډلې په اتلولۍ پای ته ورسېدې
د تخار ولایت د بدني روزنې او ورزش امریت اړوند د فوټبال فدراسیون له لوري د یاد ولایت د بېلا بېلو ولسوالیو د ۱۲ لوبډلو ترمنځ د فوټسال سیالۍ، چې یوه اوونۍ وړاندې د ینګي قلعه ولسوالۍ د رحیمي ورزشي جمنازیوم کې پیل شوې وې د طوفاني لوبډلې په اتلولۍ پای ته ورسېدې.
د دغو سیالیو پایلوبه د طوفاني او ازادۍ لوبډلو ترمنځ ترسره شوه، چې په پایله کې د طوفاني لوبډلې د ۴/۲ ګولونو په توپیر ماتې ورکړه او اتلولي یې خپله کړه.
په پای کې غوره لوبډلې ته کپ او لوبغاړو ته مډالونه ورکړل شول.
