زابل؛ ارغنداب ولسوالۍ کې د اتو لوبډلو ترمنځ د ټېپ بال کرکټ سیالۍ د اولګۍکلي لوبډلې په اتلولۍ پای ته ورسېدې
د زابل ولایت د بدني روزنې او ورزش آمریت او لوبغاړو په مالي ملاتړ د اتو لوبډلو ترمنځ د ټېپ بال کرکټ سیالۍ، چې پنځه ورځې وړاندي پيل شوې وې، د اولګۍکلي لوبډلې په اتلولۍ پای ته ورسېدې.
د دغو سیالیو پایلوبه د اولګۍ او کوچنۍ الدۍ لوبډلو ترمنځ ترسره شوه، چې په پایله کې د کوچنۍ الدۍ لوبډلې په ټاکلو ۱۲ اورونو کې د نهو لوبغاړو له لاسه ورکولو سره د ۱۱۲ منډو هدف وټاکه، په مقابل کې د اولګۍکلي لوبډلې یاد هدف په ۷,۳ اورونو کې د یوه لوبغاړي له لاسه ورکولو سره پوره او اتلولي یې خپله کړه.
د سیالیو په پای کې د ورزش امریت له لوري غوره لوبغاړو ته ورزشي توکي ورکړل شول.
