کونړ؛ نرنګ ولسوالۍ کې د ټېپ بال کرکټ سیالۍ د شمشاد لوبډلې په اتلولۍ پای ته ورسېدې
د کونړ ولايت د بدني روزنې او ورزش آمریت له لوري د یاد ولایت نرنګ ولسوالۍ اړوند په سپين کاړ کرکټ لوبغالي کې د ۲۸ لوبډلو ترمنځ د ټېپ بال کرکټ سیالۍ، چې یوه میاشت وړاندې پیل شوې وې، د شمشاد لوبډلې په اتلولۍ پای ته ورسېدې.
د دغو سیالیو پایلوبه د شمشاد او ډنډونو اتلانو ټېپ بال کرکټ لوبډلو ترمنځ ترسره شوه، چې په پایله کې شمشاد لوبډلې په ټاکلو ۱۰ اورونو کې د نهو لوبغاړو له لاسه ورکولو سره د ۱۰۶ منډو هدف وټاکه په مقابل کې د ډنډونو اتلانو لوبډلې د اووه لوبغاړو له لاسه ورکولو سره یوازې ۹۰ منډې ترسره کړې او سیالي یې د ۱۵ منډو په توپیر شمشاد لوبډلې ته وبایلله.
هېره دې نه وي دغو سیالیو ته د لوبغاړو هڅوونې په موخه د ورزش مسوولین، ځوانان، مشران او زیات شمېر مینوال راغلي وو.
