هلمند؛ ګرمسیر ولسوالۍ کې د فوټبال ناک اوټ سیالۍ د ګرمسیر منتخبې لوبډلې په بریا پیل شوې
د هلمند ولایت ګرمسیر ولسوالۍ د امیربلنداغا حوزې اړوند په افغان ورزشي لوبغالي کې د ولسوالیو ترمنځ د فوټبال ناک اوټ ټاکنیزې سیالۍ د ګرمسیر منتخبې لوبډلې په بریا پیل شوې.
دغو سیالیو کې د بهرامچه منتخب،خانشین اتفاق، نورسخي، ناوه قریشي، بولان لېسه،ګرمسیر منتخب، اُمید ګرمسیر او ځوانان ګرمسیر فوټبال لوبډلو ګډون کړی وو.
د دې سیالیو لومړۍ لوبه د نورسخي او ګرمسیر منتخبې لوبډلو ترمنځ ترسره شوه په پایله کې یو پر یو مساوي پای ته ورسېده، خو د ګرمسیر لوبډلې د پنالټي شوټ په وهلو سره سیالې لوبډلې ته د ۴/۳ ګولونو په توپیر ماتې ورکړه او سیالي یې خپله کړه.
هېره دې نه وي یادې سیالۍ به یوه اوونۍ دوام وکړي او موخه یې د لوبغاړو ترمنځ یووالی و.
