کاپیسا ولایت کې د پنځو لوبډلو ترمنځ د تېږې اچوونې لومړی پړاو سیمه ییزې سیالۍ ترسره شوې
د کاپیسا ولایت د بدني روزنې او ورزش امریت اړوند د ملي او دودیزو لوبو عمومي مدیریت له لوري د یاد ولایت په مرکزي جمنازیوم کې د پنځو لوبډلو ترمنځ د تېږې اچوونې لومړی پړاو سیمه ییزې سیالۍ د کاپیسا اتحاد مرکزي لوبډلې په اتلولۍ پای ته ورسېدې.
په دغو سیالو کې د کاپیسا اتحاد مرکزي، محمد حنیفه ریګ روان، جوانان غندي ها، کاپیسا یاران او هلال یاران لوبډلو ګډون کړی و.
په پایله کې د کاپیسا اتحاد مرکزي لوبډلې د زیاتو امتیازونو په ترلاسه کولو لومړی مقام، محمد حنیفه ریګ روان لوبډلې دویم او د هلال یاران لوبډلې درېیم مقام ترلاسه کړ.
د یادو سیالیو په پای کې غوره لوبډلې ته د اتلولۍ کپ او غوره لوبغاړو ته چمتو شوي مډالونه ورکړل شول.
