تخار؛ مرکز کې د حذفي جام په نوم د فوټبال سیالۍ د اریانا لوبډلې په اتلولۍ پای ته ورسېدې.
د تخار ولایت تالقان ښار اړوند د ښاروالۍ په چمن کې د ۲۰ لوبډلو ترمنځ د حذفي جام په نوم د فوټبال سیالۍ، چې دوې میاشتې وړاندې پیل شوې وې د اریانا لوبډلې په اتلولۍ پای ته ورسېدې.
د دغو سیالیو پایلوبه د اریانا او ارمان لوبډلو ترمنځ ترسره شوه، چې په پایله کې اریانا لوبډلې خپلې سیالې لوبډلې ته د ۲/۰ ګولونو په توپیر ماتې ورکړه او اتلولي یې خپله کړه.
د سیالۍ په پای کې غوره لوبډلې ته د اتلولۍ کپ او غوره لوبغاړو ته چمتو شوې جایزې ورکړل شوې.
