ننگرهار؛ بټي کوټ ولسوالۍ کې د شپږو لوبډلو تر منځ د ټېب بال کرکټ سيالۍ پېل شوې
د ننگرهار ولايت د بدني روزنې او سپورټ رياست اړوند د ټېب بال کرکټ فدراسيون د استازولۍ له لوري د دې ولايت په بټي کوټ ولسوالۍ کې د شپږو لوبډلو تر منځ د ټېب بال کرکټ سيالۍ پېل شوې.
د يادو سياليو لومړۍ لوبه د ملکزي بازانو او معين زمریانو لوبډلو تر منځ ترسره شوه، چې په پايله کې ملکزي بازانو لوبډلې په ټاکلو لسو اورونو کې خپلې سيالې لوبډلې ته د ۱۵۵ منډو هدف کېښود، معين زمریانو لوبډلو ياد هدف تر لاسه کړ او د اتو ویکټو په توپیر يې بريا خپله کړه.
د دغو سياليو د ترسراوي موخه د ځوانانو تر منځ سالم رقابت او فکري رغونه ده، چې شاوخوا يوه مياشت به دوام وکړي.
