زابل؛ په مرکز قلات ښار کې د ۴۰ ورزشکارانو ترمنځ د لاس چپه کولو سیالۍ ترسره شوې
د زابل ولایت د بدني روزنې او سپورټ امریت اړوند د ملي او دودیزو لوبو مدیریت له لوري د یووالي په نوم د دوو کلبونو د ۴۰ ورزشکارانو ترمنځ د لاس چپه کولو سیالۍ ترسره شوې.
په دغو سیالیو کې د سباوون او زابل ځوانانو کلبونو ورزشکارانو ګډون کړی و، چې په پایله کې د زابلي ځوانانو کلب په بریا پای ته ورسېدې.
هېره دې نه وي چې د دغو سیالیو موخه ملي او دودیزو لوبو ته وده ورکول یاد شوي او په پای کې غوره ورزشکارانو ته مډالونه او ستاینلیکونه ورکړل شول.
