ننگرهار؛ بهسودو ولسوالۍ کې د ۲۸ لوبډلو تر منځ د واليبال سيالۍ پېل شوې
د ننگرهار ولايت د بدني روزنې او سپورټ رياست اړوند د واليبال فدراسيون د استازولۍ له لوري د دې ولايت په بهسودو ولسوالۍ کې د ۲۸ لوبډلو تر منځ د سمیر جام په نوم د واليبال سيالۍ پېل شوې.
د يادو سياليو لومړۍ لوبه د پيراور او سمير کلب لوبډلو تر منځ ترسره شوه، چې په پايله کې سمير کلب لوبډلې خپلې سیالې لوبډلې ته ۰/۲ مېدانونو په توپير ماتې ورکړه او بريا يې خپله کړه.
د دغو سياليو د ترسراوي موخه، د ځوانانو تر منځ يووالی او له نظام څخه ملاتړ ښودل شوې ده.
د يادونې وړ ده، چې يادې سيالۍ به شاوخوا ۱۶ ورځې دوام وکړي.
