سمنګان؛ فیروز نخچیر ولسوالۍ کې د والیبال سیالۍ قامت بلندان لوبډې په ګټې پای ته ورسېدې
د سمنګان ولایت په فیروز نخچیر ولسوالۍ په لوبغالي کې د والیبال سیالۍ چې د والیبال فدراسیون په همکارۍ او د یاد ولایت د بدني روزنې او ورزش امریت په همغږۍ پیل شوې وې، د فیروز نخچیر ولسوالۍ د قامت بلندان لوبډلې په بریا پای ته ورسېدې.
دغه سیالۍ له تېرې یوې میاشتې راهیسې روانې وې، چې په پایله کې قامت بلندان او عقاب لوبډلې سره مخ شوې، چې د ۱۴-۳ په توپیر قامت بلندان لوبډله ددې سیالیو اتله او عقاب دویمه ګټونکې لوبډله اعلان شوه.
ددې سیالیو د ترسراوي موخه د ورزشکارانو ترمنځ د یووالي او هغمږي زیاتول او په دې ولایت د والیبال وده وه.
په پای کې د سیالیو د ترتیبوونکو له لوري ګټونکي لوبډلې ته یو پسه هم ورکړل شو.
