زابل؛ مرکز قلات ښار کې د جمناستیک ورزشکارانو ورزشي نمایشونه وړاندې کړل
دزابل ولایت په مرکز قلات ښار کې د یاد ولایت د ورزش ادارې په همغږۍ دیووالي په نوم دجمناستیک ۳۰ تنو ورزشکارانوله خوا ورزشي نمایشونه نندارې ته وړاندې شول.
د جمناستیک په دغو نمایشونو کې د دولتي مسوولینو تر څنګ، مشران، ځوانان او د یاد ورزش ګڼو مینوالو برخه اخیستې ده.
ددې نمایشونو د وړاندې کولو موخه د جمناستیک لوبي ته وده ورکول او د ورزشکارانو ترمنځ یووالی رامنځته کول وو.
د نمایشونو په پای کې ورزشکارانو ته د زابل د ورزش او بدني روزني د آمریت له خوا ستاینلیکونه، مډالونه او همداشان د کلب مسوول ته د نغدي جایزې ترڅنګ د جمناستیک اړوند ورزشي توکي ورکړل شول.
