زابل؛ پاک افغان لوبډلې د شاجوی ولسوالۍ د فوټبال سياليو اتلولي وگټله
د زابل ولایت د بدني روزنې او سپورټ آمريت اړوند د فوټبال فدراسیون د استازولۍ له لوري په شاجوی ولسوالۍ کې د ۱۷ لوبډلو تر منځ د يووالي په نوم د فوټبال سيالۍ د پاک افغان لوبډلې په اتلولۍ پای ته ورسېدې.
د يادو سياليو پايلوبه د پاک افغان او عمري لوبډلو تر منځ ترسره شوه، چې په پايله کې پاک افغان لوبډلې سيالې لوبډلې ته ۰/۲ گولونو په توپير ماتې ورکړه او اتلولۍ يې خپله کړه.
دغه سيالۍ چې شاوخوا ۲۰ ورځې يې دوام وکړ، موخه يې د ځوانانو تر منځ يووالی و.
په پای کې گټونکې لوبډلې ته د اتلولۍ جام ورکړل شو.
