کابل؛ د ۱۸ لوبډلو ترمنځ د فوټسال«الف» لیګ سیالۍ پیل شوې
د کابل د شمال، ختیځ، لوېدیځ او سویل زونونو د ۱۸ لوبډلو ترمنځ د فوټسال «الف» سیالۍ د فوټسال فدراسیون له لوري د دغه فدراسیون په لوبغالي کې پیل شوې.
ددې سیالیو په پرانیسته کې د بدني روزنې او ورزش لوی ریاست فني او مسلکي مرستیال حافظ احمدجان ځدراڼ، د فوټبال فدراسیون رئیس محمدیوسف کارګر، د بدني روزنې او ورزش ریاست سلاکار قاري حیات رحماني، اړوندو پلاوو او د فوټسال مینوالو برخه اخیستې وه.
ددې سالیو په پرانیستلوبه کې د بدني روزنې او سپورټ عمومي ریاست فني او مسلکي مرستیال حافظ احمدجان ځدراڼ ګډونوالو ته هر کلی ووایه او ویې ویل: ((خوښ یم، چې لوبغاړي د سولې او امنیت په فضا کې سیالۍ ترسره کوي.)) حافظ احمد جان زیاتوله چې د هیواد د ورزش اداره له ورزشکارانو هر ډول مادي او معنوي ملاتړ کوي.
ددې سیالیو لومړۍ لوبه د شهید پناه او دلاوران ترکمن لوبډلو ترمنځ ترسره شوه، چې په پایله کې دلاروان ترکمن لوبډله د ۴/۱ په توپیر ددې سیالۍ ګټونکې شوه.
ددې لوبو د ترسراوي موخه د فوټسال غوره لیګ سیالیو په پار د څلورو مخکښو لوبډلو ټاکنه ده.
یاده دې شي، چې دا لوبې به یوه میاشت دوام وکړي.
