پروان؛ د ملي او عنعنوي لوبو د ودې او پراختیا دوه ورځنی سیمینار پای ته ورسېد
د ملي، سیمه ییزو او دودیزو لوبو د ودې او پراختیا تر نامه لاندې د پروان ولایت ورزشي مسوولینو او ورزشکارانو لپاره د بدني روزنې او ورزش د عمومي ریاست له خوا جوړ شوی دوه ورځنی سیمینار پای ته ورسېد.
د دغه سيمينار موخه د ملي، سيمه ييزو او دوديزو لوبو وده او پراختيا وه.
د دغه سیمینار په پای کې د سلو ورزشکارانو ترمنځ په درېوو ورزشي څانګو: خوسي، لاس اړونې او رسۍ کشونې سیالۍ هم ترسره شوې.
ددې سیالیو په پای کې د پروان ولایت د ورزشي ادارې له خوا د دغو درېوو څانګو غوره ورزشکارنو ته ستاینلیکونه هم ورکړل شول.
