سمنگان؛ فیروزنخچیر ولسوالۍ کې د ۵۰ چاپندازانو ترمنځ د وزلوبې ملي سیالۍ ترسره شوې
د سمنګان ولایت د بدني روزنې او ورزش امریت اړوند د بزکشۍ فدراسیون د استازولۍ له لوري او د ظاهر فیروزنخچیر په مالي ملاتړ د ۵۰ چاپندازانو ترمنځ د وزلوبې سیالۍ د یاد ولایت فیروزنخچیر ولسوالۍ د بزکشۍ لوبغالي کې ترسره شوې.
په دغو سیالیو کې د بلخ، بغلان، سمنګان او د نورو شمالي ولایتونو چاپندازانو ګډون کړی وو، چې په پایله کې وروستي درې لاقه ترسره شول لومړی لاق د پهلوان صفي اب دره، دویم لاق د پهلوان افضل او درېیم لاق هم د صفي اب دره له لوري تر ټاکلي داېرې ورساوه او د جایزې ګټونکي شول.
د یادو سیالیو د ترسره کېدو موخه د ځوانان ترمنځ خواخوږي رامنځته کول او د وزلوبې ملي لوبې ته وده ورکول وو.
