کونړ کې د د ۱۶ لوبډلو ترمنځ د ټېب بال کرکټ سیالۍ پیل شوې
د کونړ ولايت د بدني روزنې او ورزش آمریت په همغږۍ په مرکز کړه مار سیمه کې د "۱۶" لوبډلو ترمنځ د ټېپ بال اته اوریزې سوپر لیګ سیالۍ پیل شوې، چې لس ورځې به دوام وکړي.
د دغه لوبلړۍ لومړۍ لوبه د تبه کوټ عمري او مکلي ټایګر ترمنځ ترسره شوه، چې تبه کوټ عمري لوبډلې پکې سیالې لوبډلې ته د ۱۲۶ منډو هدف کېښود، چې په ځوابي لوبه کې مکلي ټایګر لوبډلې په ټاکل شویو اتو اورنو کې ۹۲ منډې جوړې کړې او لوبه یې بایلوده.
د دې لوبو د ترسراوي موخه د ځوانانو ترمنځ همغږۍ او یووالی ښودل شوی.
