ایران؛ تهران کې د افغان مهاجرو د والیبال سیالۍ د والفجر قُم لوبډلې په اتلولي پای ته ورسېدې
په ایران کې د افغان مهاجرینو د ۱۴ لوبډلو ترمنځ د والیبال سیالۍ چې ۱۷ ورځې مخکې په پلازمېنې تهران کې پیل شوې وې، د والفجر قُم لوبډلې په اتلولي پای ته ورسېدې.
دغه سیالۍ چې په ګروپي ډول ترسره شوې، پایلوبه یې د والفجر قُم او باجګه بغلان لوبډلو ترمنځ ترسره شوه، چې په پایله کې والفجر قُم لوبډلې د ۳/۰ میدانونو په توپیر سیالې لوبډلې ته ماتې ورکړه او اتلولي یې په خپل نوم کړه.
همداراز په یادو سیالیو کې باجګه بغلان لوبډلې دویم او امید بامیان لوبډلې بیا هرات لوبډلې ته د ۳/۲ میدانونو په توپیر په ماتې ورکولو سره د سیالیو درېیم مقام ترلاسه کړ.
