جوزجان؛ شبرغان ښار کې د شپږو لوبډلو ترمنځ د رسۍ کشولو سیمه یېزې سیالۍ پیل شوې
د جوزجان ولایت د بدني روزنې او ورزش امریت اړوند د ملي او دودېزو ورزشونو مدیریت له لوري د شپږو لوبډلو ترمنځ د رسۍ کشولو سیالۍ د یاد ولایت د شبرغان ښار په مرکزي کلب کې پیل شوې.
دغو سیالیو کې د اریانا تصدي افغان ګاز، جوانان عید محله، جوانان پروژه ال، مجاهد کلب، وحدت کلب او ارمان کلب ګډون کړی وو.
د دې سیالیو لومړۍ لوبه د جوانان پروژه ال او د مجاهد کلب ترمنځ ترسره شوه، چې په پایله کې جوانان پروژه ال لوبډلې خپلې سیالې لوبډلې ته د ۳/۲ نومرو په توپیر ماتې ورکړه او سیالي یې خپل نوم کړه.
د غه سیالۍ چې څلور ورځې به نور هم دوام وکړي د ترسره کېدو موخه یې د جوزجان ولایت اوسېدونکو ته سالمه تفریح برابرول دي.
