خوست کې د نوراجان بهیر په نوم د والیبال سیالۍ پیل شوې
د خوست ولایت د ورزشي امریت له لوري د دغه ولایت د غرغښت عالي لېسې په لوبغالي کې د ۳۰ لوبډلو ترمنځ د شاعر او ژورنالېست نوراجان بهیر په نوم د والیبال سیالۍ پیل شوې، چې ۲۵ ورځې به دوام وکړي.
د دغو سیالیو په پرانیسته کې د خوست ورزشې مسوولینو، فرهنګیانو، د سیمې مشرانو، ورزشکارانو او د والیبال ګڼو مینوالو برخه اخیستې وه.
د دې لوبلړۍ لومړۍ لوبه د مندوزیو او تڼیو لوبډلو ترمنځ ترسره شوه، چې یاده لوبه مندوزیو لوبډلې د ۱/۰ میدانونو په توپیر په خپل نوم کړه.
