کابل؛ د ویلچر باسکټبال ملي لوبډله د آسیا زون او اقیانوسیه لوبو کې د ګډون موخه ټایلنډ هېواد ته سفر وکړ
د ویلچر باسکټبال ملي لوبډله د آسیا زون او اقیانوسیه لوبو (AOZ) کې د ګډون موخه ټایلنډ هېواد ته سفر وکړ.
د یادو لوبغاړو د مخه ښې په مراسمو کې د بدني روزنې او ورزش عمومي رئیس مولوي احمد الله وثیق، د یاد ریاست فني او مسلکي مرستیال حافظ احمد جان ځدراڼ او د پارا المپیک کمېټې سرپرست محمد یوسف افتخار ګډون کړی و.
د یادو مراسمو په جریان کې د بدني روزنې او ورزش عمومي رئیس مولوي احمدالله وثیق د ویلچر باسکټبال په سیالیو کې د لوبغاړو د بریا هیله وښوده، ملي لوبدلې ته یې لازمې لارښوونې وکړې او په حق کې یې د خیر دعا ورته وکړه.
دغه سیالۍ پنځه ورځې وروسته پیلیږي او ۱۳ ورځې به دوام وکړی، چې له افغانستان څخه د ۱۵ ورزش کارانو په ګډون د لوبو یو پلاوی، چې مشر روزونکی، د لوبډلې مدیر، لوبڅار او مرستیال لوبڅار پکې دي، هم ګډون وکړي.
په یادو سیالیو کې افغانستان په B ګروپ کې له نیوزیلنډ، فلیپین، اماراتو او سعودي عربستان سره لوبې کوي.
