غزني؛ ده یک ولسوالۍ کې د فوټبال سیالۍ د ستاره های قریه تاسن لوبډلې په اتلولۍ پای ته ورسېدې
د غزني ولایت د بدني روزنې او ورزش امریت اړوند د فوټبال فدراسیون په استازولۍ د ۱۶ لوبډلو ترمنځ د فوټبال لیګ الف سیالۍ، چې درې میاشتې مخکې ده یک ولسوالۍ په لویه باغچهء تاسن ورزشي لوبغالي کې پیل شوې وې د ستاره های قریه تاسن لوبډلې په اتلولۍ پای ته ورسېدې.
د دې سیالیو پایلوبه د ستاره های قریه تاسن لوبډلې او د الغازي لغباد لوبډلو ترمنځ ترسره شوه په پایله کې ستاره های قریه تاسن لوبډلې وکولای شول خپلې سیالې لوبډلې ته د ۳/۱ ګولونو په توپیر ماتې ورکړي او اتلولي په خپل نوم کړي.
د سیالۍ په پای کې غوره لوبډلې ته د اتلولۍ کپ او غوره ورزشکارانو ته مډالونه او ستاینلیکونه ورکول شول.
