میدان وردګ؛ په مرکز میدان ښار کې د لومړي ځل لپاره د وزلوبې سیالي ترسره شوه
د میدان وردګ ولایت د بدني روزنې او ورزش امریت په هڅو د لومړي ځل لپاره د یاد ولایت په مرکز کې د وزلوبې دوستانه سیالي ترسره شوه.
دغه سیالي د میدان وردګ او بامیان ولایت د لوبډلو ترمنځ ترسره شوه، چې په پایله کې د ۴-۳ نومرو په توپیر بامیان ولایت بریا خپله کړه.
هېره دې نه وي، چې د یادې سیالۍ نندارې ته د یاد ولایت پر ورزشي مسوولینو سربېره ګڼ نندارچیان هم راغلي وو.
