سمنګان؛ د ۳۰ جوړو ورزش کارانو ترمنځ د سوک وهنې سیالۍ ترسره شوې
د سمنګان ولایت د بدني روزنې او.ورزش آمریت اړوند د سوک وهنې فدراسیون د نمایندګي له لوري د سمنګان ولایت په کوربه توب د تخار، بغلان او بلخ ولایتونو د ۳۰ جوړو لوبغاړو ترمنځ د سوک وهنې سیالۍ ترسره شوې.
د دغو سیالیو په پایله کې سمنګان ولایت لومړی، بغلان دویم او تخار ولایت درېیم مقام ترلاسه کړ.
د یادونې وړ ده، چې دغه سیالۍ د سمنګان ولایت د ورزش ادارې آمر استاد محب الله، د کلپونو استادانو، د لوبو مسؤولانو او د سوک وهنې ګڼو مینوالو په حضور کې ترسره شوې.
د سیالیو موخه د سوک وهنې سیالیو وده او لوبو ته د ځوانانو هڅول ښودل شوي دي.
