پکتيا؛ روحاني بابا ولسوالۍ کې د فوټبال سيالۍ پای ته ورسېدې
د پکتیا ولایت د بدني روزنې او سپورټ رياست اړوند، د فوټبال فدراسيون د استازولۍ له لوري، د ياد ولايت په روحاني بابا ولسوالۍ کې د ۳۶ لوبډلو تر منځ د فوټبال سيالۍ د اتحاد B لوبډلې پۀ اتلولۍ پای ته ورسېدې.
د يادو سياليو پايلوبه لوبه د اتحاد B او زرمت A لوبډلو تر منځ ترسره شوه، چې ۳/۰ گولونو په توپير د اتحاد B لوبډلې په اتلولۍ پای ته ورسېده.
دغه سيالۍ، چې ۲۲ ورځې يې دوام وکړ، موخه يې فوټبال لوبې ته وده ورکول و.
پۀ پای کې لومړي او دويم مقام گټونکو لوبډلو ته کپونه او مډالونه ورکړل شول.
