په ايران کې د المپیک ملي کمېټې او سپورټ عمومي رياست استازي د افغانستان له سفير سره وليدل
په ايران هيواد کې د افغان مهاجرو ورزشکارانو لپاره د المپیک ملي کمېټې او سپورټ عمومي رياست استازي موسی خدادادي، په یاد هيواد کې د افغانستان سفير مولوي فضل محمد حقاني سره تعرفي ناسته کړې او هلته د افغان مهاجرو ورزشکارانو د ورزشي فعالیتونو د بهبود او دوه اړخیزو همکاریو په اړه یې خبرې اترې کړي.
په دغه ناسته کې د افغانستان د ورزش ادارې استازي په ايران هيواد کې د مهاجرو ورزشکارانو د ورزشي چارو پر د بهبود اړوند خبرې وکړې او ترڅنګ يې خپلې غوښتنې او وړانديزونه د افغانستان له سفير سره مطرح کړل.
د یادې غونډې په پای د ایران لپاره د افغانستان سفیر ښاغلي مولوي فضل محمد حقاني ژمنه وکړه، چې د امکان تر حده به د ورزش له نماینده او ورزشکارانو سره همکاري او د هغوی ستونزو ته رسېدنه وکړي.
