کابل؛ د وزلوبو پنځم پړاو سیالیو کې درېیمه لوبه د کندز په بریا پای ته ورسېده
د افغانستان د بدني روزنې او ورزش عمومي ریاست او د وزلوبې فدراسیون تر چتر لاندې د وزلوبې پنځم پړاو سیالیو پر دوام، کندز لوبډلې د درېیمې لوبې بریا خپله کړه.
دغه سیالي د کندز او میدان وردګ ولایتونو ترمنځ ترسره شوه، چې کندز لوبډلې د ۱۲-۰ په توپیر بریا خپله کړه.
په دغې سیالۍ کې د کندز ولایت لپاره پهلوان ذبیح، پهلوان امان، پهلوان هارون او پهلوان اسماعیل ښه لوبه وکړه او هر یوه یې ۲-۲ نمرې ترلاسه کړې.
د یادونې وړ ده چې د دغو سیالیو په لومړۍ لوبه کې سمنګان ولایت بامیان ولایت ته په ۹-۰ په توپیر ماتې ورکړه او دویمه سیالۍ بیا د تخار او بغلان ولایتونو ترمنځ ۱-۱ مساوي پای ته ورسېده.
