کندز؛ په چهار دره ولسوالۍ کې د لسو لوبډلو ترمنځ د فوټبال سیالۍ پای ته ورسېدې
د کندز ولایت د بدني روزنې او سپورټ ریاست او چهار درې ولسوالۍ د ورزشي کمېټې له لوري د چهار درې ولسوالۍ په دورمنو سیمه کې د لسو لوبډلو ترمنځ د فوټبال سیالۍ پای ته ورسېدې.
دغه سیالۍ چې یوه میاشت یې دوام وکړ، په پایلوبه کې دورمنو ځوانانو لوبډلې د زیاتو امتیازونو په ترلاسه کولو سره لومړی او غرو قشلاق لوبډلې دویم مقام ترلاسه کړ.
هېره دې نه وي چې د یادو سیالیو په پای کې غوره لوبډلو او لوبغاړو ته ستاینلیکونه، مډالونه او کپونه ورکړل شول.
