نیمروز؛ زرنج ښار کې د فټنس او بدن جوړونې اتلسم پړاو سیالۍ ترسره شوې
د نیمروز ولایت د بدني روزنې او ورزش آمریت په همکاري د یاد ولایت په مرکز زرنج ښار کې د څلور کلپونو د ۳۵ تنو ځوانانو او ډېر عمر لرونکو ورزشکارانو ترمنځ د فټنس او بدن جوړونې اتلسم پړاو یو ورځنۍ سیالۍ ترسره ترسره شوې.
دغه سیالۍ د ورزش ادارې مسؤولینو، د فټنس او بدن جوړونې فدراسیون د نمایندګي استازو، د رزمي سیالیو د فدراسیون استازو، د دغې برخې روزنکو او ګڼو نندارچیانو په شتون کې ترسره شوې چې، په پایله کې فولادي کلپ لومړی، عیاران سیستان کلپ دویم او ملي پوشان کلپ درېیم مقام ترلاسه کړ.
د سیالیو موخه د دغې برخې ورزش وده او د غوره لوبغاړو او استعدادونو موندل ښودل شوي دي.
د یادونې وړه ده، چې د سیالیو په پای کې ورزش کارانو ته مډالونه او ستاینلیکونه او استادانو ته مننلیکونه ورکړل شول.
