بادغیس کې د لومړي ځل لپاره د موی تای ولایتي رزمي سیالۍ ترسره شوې
د بادغیس ولایت د بدني روزنې او ورزش ریاست اړوند د موی تای فدراسیون د نماینده ګي له لوري د پنځو ولایتونو ۱۶ ورزش کارانو په ګډون د لومړي ځل لپاره د موی تای سیالۍ ترسره شوې.
د یادو سیالیو په پایله کې بادغیس ولایت لومړی او نیمروز ولایت دویم مقام خپل کړ.
د سیالیو په پای کې د سیالیو ټولو لوبغاړو ته د اتلولي مډالونه او ورزشي ډالۍ ورکړل شوې.
د سیالیو موخه د ورزشکارانو ترمنځ یووالی او د تجربو شریکول یاد شوي دي.
