کندز؛ مرکز کې د پنځو ولایتونو ترمنځ د فوټبال لیګ پیل شو
د کندز ولایت د بدني روزني او ورزش ریاست او د فوټبال فدراسيون د استازولۍ له لوري د یاد ولایت په کوربتوب د پنځو ولایتونو ترمنځ د فوټبال لیګ پیل شو، چې پنځه ورځې به دوام وکړي.
په دې لیګ د بلخ په کوربتوب د تخار، بغلان، بدخشان او بامیان ولایتونو لوبډلې په دوو الف او ب ګروپونو کې د یو بل پر وړاندې لوبېږي، هره ورځ به څلور لوبې کېږي.
د یاد لیګ په لومړۍ ورځ د تخار شیوا لوبډلې د بامیان ذوالفقار لوبډلې ته ۶/۰ ګولو په توپیر او په بله لوبه کې بیا د بغلان استقلال لوبډلې د کندز پیروزي لوبډلې ته ۱/۰ ګولونونو په توپیر ماتې ورکړه.
یاده دې وي، چې د دې ټورنمنټ د پیل په مراسمو کې د یاد ولایت د بدني روزنې او ورزش ریاست، د اطلاعاتو او کولتور رئیسانو، د یاد ولایت د فوټبال فدراسیون د استازولۍ مسئولینو، د بېلابېلو ادارو مسوولانو او ځوانانو ګډون کړی و.
