غزني؛ په ګیلان ولسوالۍ کې د ۱۶ لوبډلو ترمنځ د فوټبال سیالۍ پیل شوې
د غزني ولایت د ګیلان ولسوالۍ ځوانانو د یاد ولایت د بدني روزنې او ورزش آمریت سره په همغږۍ د ۱۶ لوبډلو ترمنځ د فوټبال ۲۰ ورځنۍ سیالۍ پیل کړې.
د سیالیو په پیل لوبه کې رسني او شاهین افغان لوبډلې ولوبېدې، چې رسني لوبډلې خپله مقابله لوبډله د ۰ـ۲ په توپیر ماته او لومړۍ بریا یې خپله کړه.
په ګیلان ولسوالۍ کې د فوټبال لوبې وده او د یادې ولسوالۍ په کچه منتخبې لوبډلې ته د غوره لوبغاړو موندل د دغو سیالیو موخه ښودل شوې ده.
د یادونې ده، چې د فوټبال یاد روان ټورنمېنټ به ۲۰ ورځې دوام ولري.
