هلمند؛ لښکرګاه کې د ووشو ۱۴ ورزشکارانو ته د ارتقا کمربندونه وتړل شول
د هلمند ولایت په مرکز لښکرګاه کې د ووشو کلب ۱۴ ورزشکارانو ته د ارتقا کمربندونه وتړل شول، چې له ډلې یې دوو تنو نعمت الله او قدرت الله د ووشو استادۍ تورو کمربندونو ته ارتقا وکړه.
د ارتقا په مراسمو کې د هلمند ولایت ورزشي مسوولینو، د ورزش برخې استادانو، ورزشکارانو او مېلمنو ګډون درلود، چې بېلابېلې ورزشي نندارې هم ترسره شوې.
د یادونې ده، چې یادو مراسمو کې ورزشکارانو ته ډالۍ او مېلمنو ته د ویاړ پګړۍ وتړل شوې.
