لوګر؛ په برکي برک ولسوالۍ کې د لسو لوبډلو ترمنځ د توپ ډنډې سيالۍ پای ته ورسېدې
د لوګر ولايت د بدني روزنې او سپورټ امريت او برکي برک ولسوالۍ پندې سيمې د ځوانانو په همغږۍ د همدې سيمې د ځوانانو له لوري د لسو لوبډلو ترمنځ د توپ ډنډې سيالۍ د خان ساحل لوبډلې په کټه پای ته ورسېدې.
په همدې موخه په جوړو شويو مراسمو کې د بدني روزنې او ورزش عمومي رياست د دويزو او عنعنوي لوبو هيئت، د یاد ولایت د بدني روزنې او سپورټ امریت مسئولانو، ورزشکارانو او د ورزش مينوالو ګډون کړی و.
د دغو سياليو په پايلوبه کې خان ساحل لوبډلې خپلې سيالې موسی انصاري لوبډلې ته د ۱۴۵ نومرو په توپير ماتې ورکړه او اتلولي يې خپله کړه.
هېره دې نه وي چې د دغو سياليو په پای کې، د لوګر ولایت د بدني روزنې او سپورټ امریت او له کابل څخه د تللي هیئت له لوري غوره لوبډلو او لوبغاړو ته کپونه، مډالونه او ورزشي توکي ورکړل شول.
