خوست؛ د باک ولسوالۍ د ټېپ بال کرکټ سياليو اتلولي شمل خېلو لوبډلې وګټله
د خوست ولايت د شمل خېلو پر لوبغالي د ۴۴ لوبډلو ترمنځ د ټېپ بال کرکټ سياليو اتلولي شمل خېلو لوبډلې خپله کړه.
يادې سيالۍ دوه مياشتې وړاندې پيل شوې وې او د نوموړي ولايت له مختلفو ولسواليو څخه پکې لسګونو لوبډلو ګډون کړی و.
د دغو سياليو پايلوبه د شمل خېلو اتلانو او شاهين بابکر خېلو لوبډلو ترمنځ ترسره شوه، لومړی توپوهنه شاهين بابکر خېلو لوبډلې ترسره کړه او په ټاکلو اوو اورونو کې يې سيالې لوبډلې ته ۵۱ منډې هدف کېښود، بل لوري ته شمل خېلو اتلانو لوبډلې ياد هدف د لوبې په درېيم اور کې پوره کړ او په لسو ويکټو يې ماتې ورکړه.
هېره دې نه وي چې په پای کې غوره لوبډلو او لوبغاړو ته کپونه، مډالونه او چمتو شوې ډالۍ ورکړل شوې.
