دایکنډي؛ له ۱۸ کلنو د کم عمره فوټبالرانو د اووه ټیمونو ترمنځ د فوټبال سیالۍ پای ته ورسېدې
د دایکندي ولایت د بدني روزنې او ورزش آمریت او د فوټبال فدراسیون له لوري له ۱۸ کلنو د کم عمره فوټبالرانو د اووه ټیمونو ترمنځ د فوټبال سیالۍ، چې د یاد ولایت په شهرستان ولسوالۍ کې پیل شوې وې، د زردني ټیم په بریا پای ته ورسېدې.
په یادو سیالیو کې چپراسک، زردني، غاف، باغ، غوچان، کته سنګ او سراود ټیمونو برخه لرله.
د یادو سیالیو په وروستي پړاو کې نوجوانان چپراسک او زردني ټیمونه سره مخ شول، چې زردني ټیم د ۰-۲ په توپیر د یادو سیالیو لومړی او جوانان چپراسک دویم مقام ترلاسه کړ.
د دغو سیالیو موخه په دایکندي ولایت کې له ۱۸ کلنو د کم عمره غوره فوټبالرانو موندل او پېژندل وو.
د سیالیو په پای کې د دایکندي ولایت د بدني روزنې او ورزش آمریت له لوري غوره لوبغاړو ته کپ، مډال او ستاینلیکونه ورکړل شول.
