سمنګان؛ جوانان امید فردا لوبډلې د دره صوف بالا فوټبال خزاني سياليو اتلولي وګټله
د سمنګان ولایت د بدني روزنې او ورزش امریت او فوټبال فدراسيون سره په همغږۍ د دره صوف بالا ورزشي کمېټې له لوري د ٢٤ لوبډلو ترمنځ د فوټبال خزاني سيالۍ د جوانان اميد فردا لوبډلې په ګټه پاى ته ورسېدې.
دغه سيالۍ چې له يوې مياشتې راهيسې د دره صوف بالا ولسوالۍ په ورزشي ميدان کې روانې وې، په پايلوبه کې يې د اميد فردا لوبډلې د ٤-١ ګولونو په توپیر ارمان حسن لوبډلې ته ماتې ورکړه او د دې سياليو اتلولي يې خپله کړه.
د دې سياليو موخه ورزش ته د ځوانانو هڅول او په يادي ولسوالۍ کې د فوټبال وده ده.
