سرپل؛ ارمان سیدآباد لوبډلې د سیدآباد د فوټبال سیالیو اتلولي وګټله
د سرپل ولایت په سیدآباد ولسوالۍ کې د ۱۲ لوبډلو ترمنځ د فوټبال سیالۍ، چې یوه میاشت وړاندې پیل شوې وې، د آرمان لوبډلې په اتلولۍ پای ته ورسیدې.
د سیالیو پایلوبه د آرمان او نوآباد لوبډلو ترمنځ وه، چې په پایله کې د ۲-۱ ګولونو په توپیر آرمان لوبډلې وګټله.
د دې سیالیو موخه د سیدآباد د کلیو ترمنځ د همغږۍ رامنځ ته کول وو.
په پای کې ګټونکو لوبډلو او غوره ورزشکارانو ته کپونه او مډالونه ورکړل شول.
