په کابل کې د سوکوهنې سراسري سيالۍ پيل شوې
په کابل کې د بدني روزنې او ورزش عمومي ریاست د سوکوهنې ملي فدراسیون په تمريناتي ځاى کې د کابل ښار په کچه د ٤٣٣ ورزشکارانو په ګډون د سوکوهنې سيالۍ پيل شوې.
د دې سياليو د پيل په مراسمو کې د بدني روزنې او ورزش عمومي ریاست فني او مسلکي مرستيال حافظ احمد جان ځدراڼ، د مشورتي بورډ غړو، ورزشکارانو، ځوانانو او د دې رشتې ګنو مينوالو ګډون درلود.
په دغو سياليو کې په ١٣ وزني او لويانو سني کټګورۍ کې د کابل ښار د ټولو کلبونو ٤٣٣ ورزشکاران برخه لري چې اته ورځې به دوام وکړي.
د دغو سياليو په پايله کې به ٢٦ تنه د کابل سوک وهنې منتخبې لوبډلې ته وټاکل شي.
