ننګرهار؛ په چپرهار ولسوالۍ کې د ۱۶ لوبډلو ترمنځ د والیبال داخلي سیالۍ پیل شوې
د ننګرهار ولایت د بدني روزنې او ورزش ریاست په مرسته د والیبال فدراسیون له لوري د دې ولایت په چپرهار ولسوالۍ کې د ځوانانو د تشویق او له نظام څخه د ملاتړ او لاسته راوړنو په موخه د ۱۶ لوبډلو ترمنځ د والیبال داخلي سیالۍ پیل شوې.
د دغو سیالیو د پیل په لوبه کې د کندباغ لوبډلې د ۲-۰ میدانونو په توپیر میګانو لوبډلې ته ماتې ورکړه.
همداراز په دویمه لوبه کې غلام قادر فقیرزي لوبډلې د ۲-۰ میدانونو په توپیر د کنډي باغ ملا شاه قند لوبډلې ته ماتې ورکړه.
دغه سیالۍ، چې پنځه ورځې به دوام وکړي پر دوام به نن ورځ په لومړۍ لوبه کې د دولت زي او کنډباغ او په دویمه لوبه کې د شعیب کلي او ماڼو لوبډلې سره مخ شي.
