سمنګان؛ د کې وان کيک بوکسينګ نهم پړاو منتخبې سيالۍ تر سره شوې
د سمنگان ولایت بدني روزنې او ورزش امريت په همغږۍ د رزمي ورزشونو فدراسیون له لوري د سمنګان په کاخ سلطان تالار ک د څلور کلبونو ٤٠ ورزشکارانو په ګډون د کي وان کيک بوکسينګ منتخبې لوبډلې د غوراوي نهم پړاو سیالۍ ترسره شوې.
په دغو سياليو کې د مبارزې کمپ د زياتو امتيازونو په ترلاسه کولو سره لومړى، ستاره رزم کمپ دويم او محمدي کمپ درېيم مقام ترلاسه کړ.
د يادو سياليو موخه د سمنګان ولایت د رزمي ورزشونو فدراسیون د کي وان کيک بوکسينګ سبک منتخبې لوبډلې ته د غوره لوبغاړو ټاکل دي.
په پاى کې ١٤ ورزشکارانو د سمنګان د رزمي ورزشونو فدراسیون د کي وان کيک بوکسينګ سبک منتخبې لوبډلې غړيتوب ترلاسه کړ .
همداراز غوره ورزشکارانو ته مډالونه او تقديرنامې هم ورکړل شوې.
