دایکندي؛ په شهرستان ولسوالۍ کې د ۶۰ تنو ورزشکارانو ترمنځ د جوجیتسو دویم پړاو سیالۍ ترسره شوې
د دایکندی ولایت د جوجیستو فدراسیون او سپورت امریت په همغږۍ د شهرستان ولسوالۍ اړوند په چپرسک بازار کې د ۶۰ تنو ورزشکارانو ترمنځ د جوجیتسو سیالۍ ترسره شوې.
په دغو سیالیو کې د بازار خاکشاهي، بازار تالقان او بازار چپراس د ورزشي کلپونو ورزشکارانو یوه ورځ سیالۍ وکړې.
د دغو سیالیو د ترسره کولو موخه د مارشال د جوجیتسو هنر وده او پراختیا، سپورت ته د ځوانانو هڅول او د دایکندي ولایتي منتخبه لوبډلې ته د جوجیتسو د غوره څېرو په ګوته کول وو.
