ننګرهار؛ شېرزاد ولسوالۍ کې د واليبال سیالیو پای
د ننګرهار ولایت د بدني روزنې او ورزش ریاست له لوري د نظام د ملاتړ او ځوانانو د یووالي په موخه د دې ولایت په شېرزادو ولسوالۍ کې د یوولس لوبډلو ترمنځ د والیبال سیالۍ، د میملې لوبډلې په اتلولۍ پای ته ورسېدې.
د دې سیالیو په پای لوبه کې، میملې لوبډلې خپلې سیالې طوطو لوبډلې ته ۳-۰ ميدانونو په توپیر ماتې ورکړه او د دې سیالیو اتلولي يې خپله کړه.
دا سیالۍ، چې لس ورځې وړاندې پیل شوې وې د پای لوبې په مراسمو کې يې د یادوې ولسوالۍ پر بېلابېلو ملکي او نظامي مسؤلینو، سربیره قومي مشرانو، ځوانانو او د ورزش مینوالو هم ګډون کړی او په راتلونکي کې يې د ورته نورو سیالیو د جوړولو غوښتنه کوله.
