په زابل کې د ۵۰ ورزشکارانو ترمنځ د کیک بوکسنګ سیالۍ ترسره شوې
د زابل ولایت د بدني روزنې او ورزش امریت له لوري د زابل غزني او کندهار ولایتونو د ۵۰ ورزشکارانو ترمنځ د کیک بوکسنګ دویم پړاو سیالۍ ترسره شوې.
دغه سیالۍ چې موخه یې د یادو ولایتونو د ورزشکارانو ترمنځ د تجربو شریکول او د ورزشکارانو ترمنځ د یووالي فضا رامنځته کول وو، د زابل ولایت په لومړي مقام ګټلو سره پای ته ورسېدې.
د یادونې وړ ده چې په پای کې غوره ورزشکارانو او روزنکو ته بري لیکونه او ستاینلیکونه ورکړل شول.
