په ننګرهار کې د ۱۰۰ ورزشکارانو ترمنځ د سوک وهنې سیالۍ ترسره شوې
د ننګرهار ولایت د بدني روزنې او ورزش ریاست په لارښوونه د یاد ولایت په مرکز کې د ننګرهار، کابل او کونړ ولایتونو د ۱۰۰ ورزشکارانو ترمنځ د سوک وهنې سیالۍ ترسره شوې.
په دغو سیالیو کې ننګرهار د ۳۰ مډالونو په ترلاسه کولو سره لومړی، کونړ د ۲۰ مډالونو په ترلاسه کولو سره دویم او کابل د ۱۵ مډالونو په ترلاسه کولو سره درېیم مقام ترلاسه کړ.
هېره دې نه وي، چې د دغو سیالیو په پای کې غوره ورزشکارانو ته چمتو شوې ډالۍ او ستاینلیکونه ورکړل شول.
