ننګرهار؛ د روداتو ولسوالۍ د ۱۸ لوبډلو ترمنځ د ټېپ بال کرکټ سيالۍ پای ته ورسېدې
د ننګرهار ولایت د بدني روزنې او ورزش ریاست له لوري د روداتو ولسوالۍ په جلګې سيمه کې د ۱۸ لوبډلو ترمنځ د ټېپ بال کرکټ سیالۍ د صفي الله ملنګ لوبډلې په بريا پای ته ورسېدې.
د دغو سياليو پایلوبه د صفي الله ملنګ او املوکي بازانو لوبډلو تر منځ ترسره شوه، د لوبې پچه د املوکې بازانو لوبډلې وګټله او لومړی یې د توپوهنې پرېکړه وکړه، چې په ټاکلو اتو اورونو کې سيالې لوبډلې ته د ۱۰۳ منډې هدف کېښود، بل لوري ته صفي الله ملنګ لوبډلې ياد هدف د لوبې په شپږم اور کې پوره او د يادو سياليو بريا يې په خپل نوم کړه.
د یادونې وړ ده چې یادو سیالیو ۱۶ ورځې دوام وکړو او وړمه ورځې پای ته ورسېدې.
