کابل؛ د کابل ښار د تکواندو استادانو او ورزشکارانو ته د تکواندو پومسې فورم او کمربند لوړولو اتم پړاو سمينار پيل شو
په کابل کې د بدني روزنې او ورزش عمومي ریاست د تکواندو ملي فدراسیون په تمريناتي ځاى کې د کابل ښار د تکواندو استادانو او ورزشکارانو ته د تکواندو پومسې فورم او کمربند لوړولو اتم پړاو سمينار پيل شو.
دغه سمينار، چې څلور اوونۍ به دوام وکړي د تکواندو پومسې برخې ١٥تنه استادان او ٥٥تنه ورزشکاران پکې ګډون لري.
په دې سمينار کې به ګډونوالو ته تکواندو مکتبي کېدلو، د تکواندو فن، فورم، په ضربه يي ډول د لغتې وهلو او ورزشي اخلاقو پر اړه په عملي او نظري ډول زده کړې ورکول کيږي.
د تکواندو فدراسیون د معلوماتو له مخې په دې سمينار کې به ورزشکاران له ابتدائيه حالت څخه د عمل ډګر ته را ايستل کېږي.
د دغه سمينار په څلورمه اوونۍ کې به له ګډونوالو څخه ازموينه اخيستل کيږي او د هغوى د وړتیا پر اساس به د کمربند لوړولو درجه ورکول کیږي.
